THURUK

                                                                         THURUK

(Tu emawin min ngenna nasa tak avangin duh chiahlo mahila ka ziaklo ngam lova.Ka mualphona tur a ni tih leh mite tawn ang phak chiahlo mahse kan ziak ve rawih mai a ni e.)

Tichuan Pangzawl atang chuan Class 10 ka pass ve avang chuan zirna sang zawk beiseiin Lunglei lamah zir chhunzawm tur chuan ka kal angai ve ta.Khawdang a han awm vel te kha chak sakhaiah kalo neih ve bawk si a.Tichuan Lunglei lam pan chuan phur zetin ka liam ve ta…

Serkawn sikula lut tur chuan interview angai ta phawt,Interview kha English vekin anlo ti si a.,ka buai nghal ta der mai.Keini ang Pangzawl sikul atanga zirchhuak tan chuan zamawm duhtak a ni.Englishah kher kher chuan ka turu lo ve nasa mai si! Hemi tum hian ka thlan atla bawrh bawrh thei nia!

Kan Headmaster lam lam khan ka mawhpuh a..A ni reng bawk a,kan Headmaster ber khan geography ah minla thin a..”The earth hi a orbit-ah, a around, a around a…”a tih tlat avangin keini zirlai tan kha chuan hmasawn har deuh asin.Tichuan le,kan interview ve ta ngei a.Ahar a ni,naupang dangte kha chu an chhungte khan anrawn kalpui deuh vek a.Ka chhungte ve chu hnathawh avangin min kalpui hman silo,riang hi ka inti ngawih ngawih..kha ni kha nirei tak a ni.Pawt tawi ang! Tichuan vanneihthlak takin ka tling ve ta hlauh mai.Phur takin zirlai chu ka chhunzawm ve ta.

A ni khat ni hian thingtlang mi ka nih avangin hmeichhe pakhat hian ka hmaiah chil min chhak ngawt pek a,engtinmah ka ti let lo,ka zak tlat…tun thlengin khatia min tih chhan kha kala hre chhuak zo lo,bul ka tan fuh talo tawp mai!Tichuan le,mi khua a awmchak hunlai alo ni ve bawka nuam ka ti viau mai;kum chanve chhungvel chu!

Mahse mihring hi kanlo mak khawp.Mi inah ka khawsa a ni ve mai a;duh duh danin khawsak theih heklo le..YMA Day,mi zawng zawngin awmni ankham nit e chuan Mautuai ka khawrh alo ngai ta.Zingah eirawng ka bawl angai a,kha kha chu azia,lehkha zir hma a ni mai a..Mahse ka awmna nula thuamhnaw mai pawh nilo Underpant thleng a ka suk angai ta thin a,kha nula kha a muthmun a thingpui ka pek ziah alo ngai ta bawk a.Engpawh nise hrehawm chu ka tuar tur a ni alawm ka ti ve zel a..Sikul chawlh apiang a dam emaw damlo emaw ka mu tawp anih loh chuan huan sam tur a inrinni leh holiday apianga ka in ak chhuah thin kha chu huanah hian ka tap ve ta fo mai.

Zanah lah nise Kasauti lar vanglai ania,ka exam hnaih leh hnaihlohin awmzia aneilo.Ka inthiar fihlim a vawkchaw chhum pahin mei engah ka chhiar ta mai thin a.Tin,Pathian zarah zai lamah hian sikulah mihriat kalo hlawh chho tan ve a.Practice-na hun leh hmun awm heklo sikul ban veleh a ka hna pangngai ni thin vawk chaw zawng pahin daiah ka zai vak vak thin…Class 11-12 kha ka zir chhung khan khumah vawikhatmah ka mulo nia.Khum ka changlo….Ka hausa ta chu ka ti hauh lova mahse Pathianin vawiin hi min hruai thleng..Lalpa ka lawm e..(Hmanhmawh takin ka rawn tiru leh hram e..nkk…..Ka thiltawn hi tun thlengin ka nu leh pa te kala hrilh duhlo,chuvanga THURUK ti ka ni e.)