HO MAI MAI

                                                               HO MAI MAI

Mifel tak mai ka nia,Peka Chhakchhuak te'n anka an an hlek apiang a,ka hming thianghlim anlam ziah ang kha ka ni law...Peka a ni emaw Ray-a a ni emaw tu hming mah lam lovin keichuan ka'n ziak te'ng.

Ka chanchin hi hetah hian part 3 thleng chu ka ziak tawhin ka hria.Tunah part 4 na aw...miropui tak te hian chanchin kan ngah duh ania tiraw Hruailukawlh!

KA PUAR

Ka nu leh pa min hrilhdan chuan,kei hi ka nausen lai atangin tun thleng hian kala cher ngai lo..ka vannei hle mai tiru...CHAW hi ka nute'n ei ve tawh se tia a hrai a min hrai atang khan kala ei ta ngat ngat a,ka tanna a rei tawh bawk a,atuina ka hre riauva.Ka kâ hi a fing a,thiltui pawh ka hre narawh..kum 13 ka nih kum hian tlaikhat chu ka pi hian berul hnah bai leh hmarchapui bawl min hmehpui vei rawk a..ka'n ei tak tak a le..ka chaw eikham chu ka thu a,ekhai..''puar lai a thut chu a nuam lo anih hi'' tiin ka mu a,a nuam chuang lo..ka bungbu a.A nuam chuang lo..tihdan thar ka hre ta.Khumah ka mu a,lukhamin ka dul ka delhtir a..ka pi ka taì ka zuttir bawk a,a zia khawp mai.Puar lutuk avanga khami tlaia ka tap kha tun thlengin tive kala hre miah lo!

2005 kum a Serkawn a sikul ka kal lai khan mi 3 eitur tawk no3 ka chhum a,piancham lawmnaah min eisan lehtak si avangin tumloh takin ka eizo tawh bawk a.Mahse,khami tum kha chuan ka tap lo..

DRUMMER TURU

Aizawl college ka chhuah dawn kum hian sawi ve reng rengah tiin kan thianho khan 'virtual therapy' intiin band kan din ve a..farewell-ah kan zai ve ngei anih kha.Drummer min hmang a,kan zai ta.Atirah chuan anuam viau mai,a tawplamah drum pedal a chhe ta tlat mai,ka'n rap thin ari thei silo.Ka zu enchiang a,alo chhe reg mai..a petin ka'n pet ta anih kha..kha hla kha hla sei tak niin ka hria!

DRUMMER DIKTAK

Ka vaw zeuh zeuh a,BiakInah a vawtuah ka tang kumtluan a..tlema changsang deuhho pawh ka vaw lam tam ve ta viau mai.Fel ka intih tawh tehlul nen zankhat chu khuangpu kha atui hal ta tlat mai.Bottle ka bulah a awm a,khuangpu ka va pe pha lo chiah a.Zai zawhah ka va pe dawn a,arawn hawi phei mai silova.Ka va hui thin,a hrethei silo..khatia ka pharkual vel kha thusawituin minlo hmufuh ta..''Engatinge zuia?mit ava kham ve'' tiin pulpit atangin min khak ta mai anih kha..ka drum stick kha sei deuh sela chu ka zahna zat chiah khan vaw ta ila,ka vawhlum tawk vel chiah chiah ang!