SUMDAWNNA LEH KEI

Thianpa Hruaia min fuihpawrh a zarah mawl leh lawk teh ang.Kum zat chu sawilo mai ila a him ber awm asin.2nd year BA ka zir kum hian thil tam tak..Sangha zawrh,Baibing zawrh,leh thildangte a thleng nual mai.

Ka kalna (Kidney Problem) a chhuak a,ka vung chiam mai a.In entirna man tur tuak ve ila mawle tlangval ak nih ve tawh hi ka ti rilru a Tuikual Norht lama ka hmelhriat U Zarate sangha rep ka zawrh sak alawm le.Ka hralh thei ang reng fu mai a.In entirna daih ka help tawh tih ka hria.Mahse thahnemngaih alo na duh riau mai a.Ka pawisa neihloh zia hretu chu keimah tho ka nih avangin ka’n zuar kual ta tak tak ale…khua a thim dawn ta mai.A tawp nan tiin Inpakhat lian zet maiah hian ka lut a.Minlo khawngaih khawp mai a..200 man minlo leisak a,anpa ber khan min en vang vang a,engtia tlangvalin sangha rep zuar ta nge ka nih tih kha min zawt ta sek mai.Hreh ang reng tak chung chuan thingtlang mi ka nih leh inhlawh chawp a nu leh pa tibuai lova lehkha zir ka duh thute, Ka natna avang a cement ka chawh theih tak silovah chuan sangha rep ka zawrh tak dan te kan hrilh ve luam a.

Ani chuan mn khawngaih ta riau anih hmel,”Sangha kha siam nghal sela ei ve rawh” ati ta tlat mai a..han hnail dawn chuan ka inah Artui kan leh anthurtui bak a awm chuanglo tih ka hriat chian em avang chuan zah aiin puar chhung a rei alawm le ti rilru chungin ka ‘aw’ ve ta hmiah mai.Huaisen tak ka ni! Mahni sangha hralh ei leh nghal awm chhun ka nih loh vek pawhin chutiang mi tlemte zing ami pakhat chu ka ni ve hrim hrim ang.

Dinhmun tha a ding lo na na na chu Baibing ka zuar lehpek bawk a….Dawrpui vengthar nu thau liar luar in a”Burma baibing emni? Min tihsak kha chu tun thlengin kala la na deuh…thingtlang atanga Baibing thawn kha ania, ahring nghulh theilo hrim hrima, a eng nghulh zawk a..Vai mistiti hnenah “ a hmin tawh anih hi” tia ka hralh kha tun thleng hian ka nuih ala za deuh!

(17.01.2012)